Starfsemi Tungutækniseturs

Tungutæknisetur hóf starfsemi sína með ráðstefnu, Íslensk tungutækni 2006, sem haldin var í Háskólanum í Reykjavík 23. maí 2006. Ráðstefnan tókst mjög vel og sótti hana á sjötta tug manna.

Veturinn 2006-2007 gengst Tungutæknisetur fyrir fyrirlestraröð og er ætlunin að fyrirlestrar verði a.m.k. mánaðarlega frá desember og fram á vor. Fyrsti fyrirlesturinn var haldinn 5. desember. Þá talaði Stefán Briem um vélrænar þýðingar, og voru áheyrendur um 60. Annar fyrirlesturinn var haldinn 3. janúar. Þá talaði Arnar Þór Jensson um talkennsl, Þriðji fyrirlesturinn var haldinn 9. janúar, í samvinnu við IEEE á Íslandi. Þar talaði Jón Guðnason um raddkennsl. Fjórði fyrirlesturinn var haldinn 6. febrúar og þá talaði Hrafn Loftsson um mörkun. Áheyrendur voru 25-30 í hvert skipti.


Forsagan

Á næstu síðum er gerð grein fyrir tungutækniverkefni menntamálaráðuneytisins, en Tungutæknisetur á rót sína að rekja til þess.