4. júlí 2001

Mikill áhugi á tungutæknifyrirlestri

Guðrún Magnúsdóttir, forstjóri ESTeam AB, hélt nýverið fyrirlestur á vegum íslenskuskorar Háskóla Íslands og verkefnisstjórnar um tungutækni. Tæplega eitt hundrað manns hlýddu á Guðrúnu fjalla um reynslu sína af kennslu í tungutækni við Háskólann í Gautaborg og þróun hugbúnaðar til sjálfvirkra þýðinga.

Fyrirtæki Guðrúnar, ESTeam AB, framleiðir hugbúnað til vélrænna þýðinga á texta og vann nýlega útboð á vegum þýðingadeildar Evrópusambandsins með nýjum hugbúnaði, ESTeam Translator, sem þýðir skjöl milli 12 tungumála Evrópusambandsins.