15.2. 2002

Þróun raddstýrðs búnaðar í þágu fatlaðra

Fyrirtækið VoiceEra í Bolungarvík og Öryrkjabandalag Íslands gerðu fyrir nokkru með sér samning um samstarf vegna þróunar raddstýrðs búnaðar sem nýst getur fötluðum.
Í fréttatilkynningu frá Öryrkjabandalaginu kemur m.a. fram að þess má vænta að innan skamms komi á markað hér á landi hugbúnaður frá VoiceEra sem gerir fólki kleift að stjórna tölvum með röddinni og íslenskum orðum. VoiceEra hefur tekið á leigu tvær íbúðir Hússjóðs Öryrkjabandalagsins í Bolungarvík og hefur önnur þeirra þegar verið búin ýmsum raddstýrðum búnaði.