19.2. 2002

RANNÍS styrkir tungutækniverkefni

Fyrirtækið Friðrik Skúlason ehf. hlaut styrk úr síðustu úthlutun úr Tæknisjóði RANNÍS að andvirði 4,5 milljónir króna til verkefnis sem nefnist Vélræn greining setninga í íslensku. Markmiðið með verkefninu er að þróa kerfi sem tekur inn setningu á íslensku og skilar upplýsingum um byggingu hennar og eiginleika einstakra hluta hennar. Greiningarkerfið nýtir sér annað kerfi sem þegar hefur verið þróað innan fyrirtækisins; það kerfi tekur inn einstök orð og skilar upplýsingum um orðflokk og beygingarmynd. Kerfið mun því skila upplýsingum um íslenskar setningar út frá beygingar- og setningafræði.