29.11.2004
NODALIDA, 15. norræna tungutækniráðstefnan, í Finnlandi í vor

Norrænar ráðstefnur um tungutækni eru að jafnaði haldnar annað hvert ár. Ráðstefnurnar ganga undir nafninu NODALIDA, sem er stytting fyrir Nordiske datalingvistikdager, en á ensku nefnast þær Nordic Conference of Computational Linguistics. Síðasta ráðstefna var haldin í Reykjavík vorið 2003, og sú næsta verður haldin í Joensuu í Finnlandi dagana 20.-21. maí 2005. Vefsíða ráðstefnunnar, http://phon.joensuu.fi/nodalida2005/, hefur nú verið opnuð. Þeir sem hafa áhuga á að flytja fyrirlestur á ráðstefnunni þurfa að senda inn útdrátt í síðasta lagi 31. janúar, en skráningarfrestur fyrir alla þátttakendur er til 31. mars. Íslendingar hafa ekki verið áberandi á þessum ráðstefnum hingað til, og enginn Íslendingur hefur talað á undanförnum ráðstefnum. Nauðsynlegt er að breyta þessu og sýna að eitthvað sé farið að gerast í íslenskri tungutækni.