Frestur til að sækja um þátttöku í námskeiðum norræna tungutækniháskólans (NGSLT) nú á vormisseri rennur út á miðvikudaginn, 8. desember. Alls eru 8 námskeið í boði, mun fleiri en áður hafði verið kynnt. Þar af eru fimm í sænska tungutækniháskólanum (GSLT), eitt í þeim finnska (KIT), eitt við Viðskiptaháskólann í Kaupmannahöfn (Copenhagen Business School) og eitt við háskólann í Tartu í Eistlandi. Hægt er að ganga frá umsókn á netinu.