Stjórn Rannsóknasjóðs hefur nú lokið úthlutun styrkja fyrir árið 2007. Tvö tungutækniverkefni voru styrkt; Aukin mörkunarnákvæmni íslensks texta og Samhengisháð ritvilluleit. Aðstandendur beggja verkefnanna eru  Eiríkur Rögnvaldsson,  Hrafn Loftsson og Sigrún Helgadóttir; Hrafn er verkefnisstjóri í fyrrnefnda verkefninu og Eiríkur í því síðarnefnda. Tvö önnur verkefni sem hafa gildi fyrir tungutækni voru einnig styrkt; Veflægar samheitatengingar á grundvelli orðasambanda og samsetninga sem Jón Hilmar Jónsson og Þórdís Úlfarsdóttir standa að, og Sagnflokkar og táknun rökliða sem Jóhannes Gísli Jónsson og Matthew Whelpton stjórna.