Vinnuhópur norrænu málnefndanna um tungutækni (Arbetsgruppen för språkvård och språkteknologi i Norden) stóð fyrir vinnufundi um stöðu tungutækni á Norðurlöndum 26. október sl. Fundurinn var haldinn í Gautaborg, í tengslum við sænsku tungutækniráðstefnuna SLTC 2006. Á fundinum fluttu m.a. tveir Íslendingar erindi, þau Hjálmar Gíslason og Sigrún Helgadóttir.

Skýrsla um ráðstefnuna hefur nú verið gefin út. Þar er að finna yfirlit um viðfangsefni hennar og helstu niðurstöður, auk nokkurra af erindunum sem þar voru flutt, m.a. erindis Sigrúnar Helgadóttur. Glærur allra þátttakenda hafa einnig verið birtar.