Föstudaginn 7. mars verður málþingið "Á íslenska sér framtíð innan upplýsingatækninnar?" haldið í stofu 231b í Háskólanum í Reykjavík við Ofanleiti. Að málþinginu standa Tungutæknisetur og Íslensk málnefnd, en þingið er liður í fundaröð Málnefndarinnar um mótun íslenskrar málstefnu. Þingið hefst kl. 14:00 og því lýkur kl. 17:00. Það er öllum opið. Dagskráin er hér.

Á þinginu verður fjallað um tungutækni og hugbúnaðarþýðingar. Gestur þingsins verður Trond Trosterud, dósent við Háskólann í Tromsø í Noregi, en aðrir frummælendur verða Eiríkur Rögnvaldsson, prófessor í íslenskri málfræði og stjórnarformaður Tungutækniseturs; Hjálmar Gíslason, forstöðumaður vöruþróunar Símans og höfundur leitarvélarinnar Emblu; Halldór Jörgensson, forstöðumaður Microsoft á Íslandi; og Bogi Örn Emilsson, framkvæmdastjóri þýðingastofunnar Skjals. Sigrún Helgadóttir, formaður Orðanefndar Skýrslutæknifélags Íslands setur þingið en fundarstjóri er Hrafn Loftsson, lektor og stjórnarmaður í Tungutæknisetri.

Myndir frá málþinginu er að finna hér.