Menn hefur dreymt um að eiga eðlileg og auðveld samskipti við tölvur síðan þær komu fyrst til sögunnar. Margir eru hikandi í samskiptum við tölvur og yrðu mun öruggari ef viðmótið væri eðlilegra, þ.e. ef hægt væri að nota mannamál, talað eða ritað, í samskiptunum. En til að þetta megi takast verður málið sem notað er að vera nánast villulaust svo að tölvan geti “skilið” um hvað er verið að spyrja. Þetta er bara eitt dæmi um þörf á villuskimun í tölvusamskiptum. Margs konar annar búnaður á sviði ritvinnslu og/eða rafræns náms (e-learning) þarfnast þess líka að tölvan geti leiðrétt málfar. En áður en tölvur geta kennt okkur mannfólkinu rétta málfræði verðum við að kenna þeim; þ.e., við verðum að skrifa rafrænar mállýsingar sem gera ráð fyrir villum í ílagi – óháð þeim meira en 4000 tungumálum sem töluð eru á jörðinni.

 Í fyrirlestrinum verða kynnt algrím sem eru nauðsynleg í málfræðiskimun og fjallað um ýmsan búnað þar sem málfræðiskimun er ekki einungis gagnleg heldur beinlínis nauðsynleg nú á dögum.

Dr. Bettina Harriehausen-Mühlbauer er prófessor í tölvunarfræðideild Hochschule Darmstadt (University of Applied Sciences) í Þýskalandi. Hún lagði stund á tölvunarfræði og málvísindi við Kaliforníuháskóla í Berkeley og lauk doktorsnámi í tölvumálvísindum undir leiðsögn Charles Fillmore prófessors í málvísindum og  Robert Wilensky prófessors í tölvunarfræði.